اليوم دقيت جنان وتخارجت والحمدلله هههههه وعاد فيها الحمدلله
صاحبي مسافر قال لي منعك انفعني على طريقك مر على المنظمة استلم بدلي. قلت: أبشر
وصلت عند المنظمة والناس مشكلين طابور طابور لنساء وطابور لرجال. التزمت في الطابور وخلال وقوفي في الطابور كنت اشاهد الموظيفين كيف يتعاملوا مع بعض النسوان. وقد معها بطاقة زوجها الاصل ورقم التلفون وعادهو يلغج يشتي بطاقتها ويشتي عقد زواج
الخلاصة جاء دوري وقدنا باغر منهم. قال الموظف بطاقتك اخرجت البطاقة قال مش انت قلت أيوه جيت استلم لصاحبي هو مسافر وهذه بطاقتي صورها وبعمل فيها استلام اني استلمت لصاحبي. قال مقدرش ضروري يجي يستلم بنفسه!. بمممم ومن دون مقدمات رجمت بطاقتي وبطاقة صاحبي إلى وجهه وقلت له أقسم بالله انك باتصرف قصدك باتاكل حق الناس والله لخرجها من عينك ياسارق. تصرف الآن يعني الآن. الناس والموظفين وقفوا متعجبين وكنت اكلم نفسي قد قززت خليك على القزازه لكن يالله بفارعي يقل لي رحلك يمسح على وجهي وطز في الاستلام.
وحول الله بثنيين قفزو يتوسطوا أني مجنون حق مشاكل ههههههه وأن صاحبي مريض أو مدري مسافر مايقدر يجي. والناس كلهم قالوا اصرف له. خايفين لاتوقف المنظمة الصرف بسببي.
المهم استلمت وخرجت تقل اسد هههههه والنسوان يعايرين المنظمة انتوا حق صميل مالكم الاهكذا.
وبعد خروجي بين اكلم نفسي
حقنا الشرعية تستجدي المنظمات تجرب الجنان مع المنظمات فاكثر مايهم المنظمات هو الاستمرار في العمل. لأن العمل يدررر على المنظمات ملايين الدولارات شهرياً و أي توقف تكون المنظمة هي أول الخاسرين. لذلك سترضخ لشروط ميليشيا الحوثي تعرف هذا جيداً حتى ان الحوثي يهدد المنظمات بأنه سيوقف أعمالهن إذا لم يتم تلبية رغبة. بل أكثر من ذلك فرض على المنظمات تسليم عايدات للميليشياته وشترط أن يكون الموظفين من عنده.
يا شرعية جربوا الجنان.
ملاحظة.
ياحبذا تجهزوا الفارعي قبل المجنانة يكون أفضل.
